سألو واحد بخيل طحن: تعمل إيه لو الدنيا برد؟ قال: أروح جنب الدفاية. قالو: ولو الدنيا بردت أكتر؟ قال:أقرب من الدفاية. قالو: ولو بردت أكتر؟ قال: ألزق في الدفاية. قالو: طب ولو نزل تلج؟ قال: أشغل الدفاية بقى وأمري لله
مرة واحد غبي ضاعت محفظته راح القسم عمل محضر الضابط بيقولوا ماتقلقش يابلدينا هنجبهالك من تحت الأرض وبعد ما خرج من القسم شاف الناس بيحفروا للخط بتاع المترو راح قايلهم الهمة يارجالة سوده وبسوسته
اتنين محششين بيتفرجوا على ماطش فالمزيع بيقول "دربكة في الدفاع، دربكة في خط الوسط، دربكة في الهجوم، أوبااااا جوه الجون" فالمحشش قال لزميله "إظاهر إن دربكة ده لعيب ميه ميه"
لغز محشش: قطار يمشي 60 كلم في الساعة فكم عصفور في الشجرة إذا كان البيبسي ب75 قرش؟
مرة اتنين ستات عواجيز نفسهم يتجوزوا فراحوا النادي وقالوا أول ولد حيعدي حنقوله، و لما عدى واحد، واحدة منهم قالتله: تتجوزني يا أمور؟ قالها: ده أنا أتجوز كلبه ومتجوزكيش! التانية راحت قايلة: هوهو
انعقد مؤتمر دولي في فرنسا وكان بعنوان الاتصالات والتكنولوجيا المعاصرة ، فبدأ بالحديث فيلسوف فرنساوي وقال لقد حفرنا تحت برج إيفل ولقينا أسلاك تليفونات وده دليل على انه إحنا عندنا التليفونات بقالها اكتر من 100 سنة ، وقام الإيطالي وقال إحنا حفرنا تحت برج بيزا ولقينا أسلاك تليفونات وده دليل انه احنا عندنا التليفونات بقالها اكتر من 500 سنة ، وقام البروفيسور العظيم المصري وقال: احنا حفرنا تحت الأهرامات وملقيناش حاجة وده دليل على انه احنا عندنا الموبيلات بقالها اكتر من 7000 سنة .
واحد بيقول لخطيبته لما ازمرلك انزليلي قالتله:انت جبت عربيه جديده ... قالها:لا جبت زماره ...
مره واحد معاه فيات قديمه ماشى بيها على الصحراوى عطلت منه فقام شاور لعربيه على الطريق طلع صاحبها واد روش معاه مرسيدس فقام قاله بص يا عمو أنا هجرك لحد الرست و بعدين صلح عربيتك بس لو لقيتنى سرعت رعشلى نور وربطوا العربيه وطلعوا قامت عربيه بى ام عدت صاروخ من جنبهم راح الواد بتاع المرسيدس فاتح وراه وبتاع الفيات شغال يرعش نور للمرسيدس ولا هو هنا فالرادار صورهم ، ظابط المرور راح متصل بالكمين وقال لهم هتعدى عليكوا عربيتين واحده مرسيدس و بى ام سيبوهم و هاتوا الكلب بتاع الفيات اللى بيرعشلهم وعايز يعدى منهم
واحد فافى وهو نازل من البيت أمه سألته "رايح فين؟" فقال لها "مش هقولك أنا حر" ، نزل ووقف تاكسى فالسواق ساله "على فين يا باشا؟؟؟" قال له يعنى أنا مقولتش لمامي هقول لك أنت"
مرة اتنين مساطيل مذيعة وقفتهو في الشارع سالت الأول ، أنت بتحب مصر ؟ قال : أكيد مصر دي امي ..سالت التاني ، أنت بتحب مصر ؟ قال : أكيد مش أم صحبي
مدرس لغة عربية بيدى درس خصوصى لطالب والده جزار فطلب المدرس من التلميذ وضع كلمة ينابيع فى جملة من عنده فكر التلميذ طويلالالالالالالا وقاله لما "بكون واقف فى المحل مع أبويا ينابيع يا أبويا يبيع"
مرة واحد ندل فتح مصنع بيبسي , كتب على العلبة "رج جيدا قبل الفتح"
مرة دبانة سقطت فى كاس خمرة طلعت تقول وسع للنسر
فضاءين نزلو الأرض في محطة بنزين ما فيهاش حد فلفوا حولين مضخة بنزين لفوا حوليها ورجعوا تاني فأصحابهم قالولهم :أية هو شكل سكان الأرض فقالولهم :هم تقريبا زينا بس بيناموا وهم واقفين و بيحطوا صباعهم في ودانهم
مره أتنين في أخر الخدمة في الجيش .... الظابط: بيسأل الأول عندك كام سنه 30 يا بيه قعدت كام سنه في الجيش 3 يا بيه معاك شهاده حسن سير و سلوك ... الاتنين يا بيه خرج و قال لصحبه الإجابات 30 /3 الاتنين يابيه الظابط يسأل التاني : قعدت كام سنه في الجيش 30 عندك كام سنه 3 الظابط : مهو حاجه من الاتنين يا انت مجنون يا انا مجنون الاتنين يا بيه
بيقولك 2 حرامية حبوا يسرقوا شقة واحد فافى . واحد نط فى البلكونة فالراجل مسكة فقالة انت بتعمل اية هنا قالة بص ياعم الحج أنا كنت بحارب الأعداء بالطيارة بتاعتى وفجاءة انضربت ونطيط بالبرشوت هنا راح الراجل قايلة ايوة كدة انت بطل مش التانى اللى نايم فى البانيو ويقولى ضفادع بشرية
بخيل عيالة نجحوا اشترالهم كورة وقلهم اذا نجحتم السنه الجاية انفخها
تلغراف جه لهريدى من البلد مكتوب فيه : مراتك خلفت والجاموسة خلفت ...احضر فورا للتعرف على المولود
اتنين مساطيل ركبوا أتوبيس بدورين اللي فوق سأل اللي تحت انتوا ماشيين بسرعة كام؟ قاله 80 و انتوا؟ قاله لا إحنا السواق لسة ماجاش.
مرة اتنين مساطيل قعدين بيحششو فا فى واحد منهم لقى جنازة فى الشارع فقال للتانى هو مين الى مات قاله عمك احمد قاله الله يرحمه، فى اليوم التانى الناس عملو سوان للناس علشان ييجو يعزو، قاله هو مين الى مات قاله يابنى انا قلت لك عمك احمد قاله الله يرحمه، فى اليوم التالت شاف نفس السوان قاله هو مين الى مات رد عليه التانى قاله انا كل يوم اقولك ده عمك احمد راح رد عليه قاله هو مال عمك احمد بقاله تلت ايام الدنيا مخبطة معاه كدة ليه
اتنين سكرانين بيتفرجو علي نشرة الأخبار فالأول بيقول للتاني هيه النشره طولت اوي كده ليه، التاني قاللو اظاهر انها الحلقه الاخيره
مره اتنين مجانين اتفقوا إنهم يهربوا من المستشفى واحد قال للتانى لو لاقينا السور عالى هنهده لو لاقيناه واطى هنط من فوقيه التانى قاله ماشى راحوا مالاقوش سور خالص قالوا يخساره المهمه فشلت
مرة حرامى دخل على واحد مسطول البيت قالو هات فلوسك و الا هقتل مراتك قام الرجل قعد يضحححححححك.......الحرامى قتل مراته وقاله هات الفلوس قبل م اقتل ابنك الرجل قعد يضحححححححك........الحرامى قتل ابنه و هكذا لغاية لما خلص عالعيله و بيقول للمسطول أيه يا عم مش عايز تدينى فلوسك ليه؟؟؟؟ قاله اطلع من دول يا ابرهيم يا نصر
مره واحد راح السرك وقرر انه يعمل حاجه مختلفه راح جاب نمله وقعد يدربها10 سنين علشان تقف على رجل واحده فراح رايح لولد صغير فى الشارع وقاله بص يا حبيبى النمله دى بتقف على رجل واحده فراح الولد مسك النمله وفعصها وقاله ايه ده يا عمو دى نمله فقرر انه يعيد التجربه وقال عيال صغيره ايه انا هاروح لولد كبير جاب نمله تانى ودربها 10 سنين وراح لواحد كبير فى الشارع وقاله بص النمله دى بتقف على رجل واحده فمسك النمله وفعصها وقاله ايه ده يا عمو انا مش قولتيلك من 10 سنين ان دى نمله
كان مرة واحد كل يوم يحلم بماتشات عصافير فراح للدكتور وقال له اللى بيحصله والكتور قاله خد الدواء ده النهاردة رد عليه وقال له استنى عشان النهاردة الماتش النهائى
مرة واحد كل مايركب الاتوبيس يسمع الناس بتقول ابونية وما يدفعوش فلوس فى يوم قال اشمعنى انا واخد مراتة و ابنة وركب الاتوبيس جالة الكمسري قالة تذاكر رد اخينا : لا انا ابونية ودى ام نية ودة نية ذات نفسه
سبعة بلدياتنا عملوا عصابة سموها عصابة الشجعان الثلاثة
واحد بلدياتنا اتحكم علية بالاعدام المذيعة بتسالة : اية شعورك قبل ما تتعدم
قال لها: ارجو ان دة يكون عبرة ليا فى المستقبل
السبت يناير 10, 2009 4:45 am
